“Napoli është një kundërshtar i vështirë, ne patëm një barazim të pafat. Ata janë një rival i nivelit të Champions“, kështu e ka komentuar trajneri i Barcelonës , Xavi, shortin e play-off-it për fazën e 16-të të Ligës së Evropës.
“Është thuajse një tjetër nderim për Maradonën”, shtoi trajneri i blaugranës në prag të ndeshjes miqësore kundër Boca Juniors në kujtim të Diegos.
Në vend të kësaj, presidenti i Napolit është më i ngarkuar dhe pozitiv për përballjen e dyfishtë me Barcelonën. “Kësaj radhe do të thosha se gota është plot”, ka shkruar De Laurentiis në profilin e tij në Twitter.
Barcelona-Napoli dhe më pas Napoli-Barcelona do të jenë dy ndeshje të shkëlqyera të Champions League! Forza Napoli Gjithmonë”, përfundon ai.
