Hugo Lloris është i pasisgurt për të ardhmen e tij. Portierit francez i përfundon kontrata me Tottenhamin më 30 qershor dhe, në fakt, tani është i lirë të negociojë me çdo klub tjetër. Antonio Conte, trajneri i skuadrës londineze, ka konfirmuar se e vlerëson “gardianin”, por kjo deklaratë ende nuk është shndërruar në marrëveshje të re.
Muajt kalojnë dhe nga ky kontekst përfiton nga Stade Rennes. Sipas “Francebleu”, skuadra franceze është e interesuar për nënshkrimin me Lloris. Madje, ky medium sqaron se François Pinault, pronar i klubit, ka tentuar që nga vera e kaluar afrimin e kapitenit të skuadrës franceze. Megjithatë, ekziston një pengesë: paga e lartë e futbollistit.
Lloris fiton më shumë se 500 mijë euro bruto në muaj. Një pagë që është më e lartë se e gjithë shuma që Rennes shpërndan për ekipin. Megjithatë, klubi francez mund të bëjë përpjekje për ta marrë portierin.
Lloris në moshën 35-vjeçare është i padiskutueshëm si në klubin e tij ashtu edhe në skuadrën franceze dhe është kapiten i të dyja skuadrave.
Ai iu bashkua klubit anglez nga Lyoni në sezonin 2012-2013 dhe, në këto nëntë vite, ka qenë titullar një fiks në portë. E njëjta gjë ndodh edhe me kombëtaren. Që nga debutimi i tij në 2008, ai ka grumbulluar tashmë 136 paraqitje për Francën, përfaqësuese me të cilën ka fituar një Kupë Bote dhe, vitin e kaluar, Ligën e Kombeve. Muajt e ardhshëm janë vendimtarë për të ardhmen e Lloris.
