Ulpiana e ka shënuar fitoren e parë në stinorin pranveror të Superligës së Kosovës në futboll.
Ekipi nga Lipjani e ka mposhtur Drenicën me rezultatin 3:1. Kjo ndeshje u zhvillua të dielën në stadiumin “Sami Kelmendi” në Lipjan.
Pas ndeshjes, trajneri Edlir Tetova, tha se e kishin merituar fitoren.
“Që nga fillimi kemi vujtë nga dëmtimet, skudra sot ka qenë gjithë kohën në ekuilibër, dhe e ka meritu fitoren” – tha Tetova.
Me këtë fitore, Ulpiana ka arritur në kuotën e 22 pikë dhe renditet në vendin e tetë me një më shumë se Dukagjini që është i nënti. Drenica është e pesta me 28 pikë.
