Atalanta është kualifikuar në çerekfinale të Ligës së Evropës. Atalanta në të dy ndeshjet ka shënuar fitore ndaj Bayer Leverkusenit.
Pas fitores 3:2 në Bergamo, një javë më parë, Atalanta të enjten mbrëma fitoi 1:0 në Leverkusen.
Rezervisti Jeremie Boga shënoi golin e fitores në minutën e 91-të.
Berat Gjimshiti u aktivizua te Atalanta prej minutës së dhjetë. Ai e zëvendësoi të lënduarin Rafael Toloi.
Paraqitja e mbrojtësit shqiptar u vlerësua me notën – 6.7, nga ‘SofaScore’.