Një bandit hyri fshehurazi në rezidencën e David dhe Victoria Beckham në Londër, ndërsa çifti ishte në shtëpi me vajzën e tyre Harper. Siç raporton “Daily Mail”, hajduti ka hyrë fshehurazi në shtëpi, vlera e së cilës është rreth 50 milionë euro, duke thyer një dritare në katin e sipërm.
Në vend të kësaj, “The Sun” bën të ditur se në atë moment “Beckhams” dhe vajza 10-vjeçare ishin duke fjetur poshtë. Cruz Beckham zbuloi gjithçka. Djali 17-vjeçar vuri re xhamin në dysheme kur u kthye pas një takimi me miqtë.
David njoftoi policinë dhe kontrolloi objektin me djalin e tij. Mesa duket hajduti ka arritur të vjedhë disa sende me vlerë elektronike dhe dizajni. Po atë natë, dy familje të tjera në zonë u grabitën.
Nuk është hera e parë për “Beckhams” një target i tillë. Në vitin 2018, tre burra me kapuç u përpoqën të hynin fshehurazi në rezidencën e “Beckhams” në Cotswolds. David dhe Victoria ishin rrugës për në Australi, kur hajdutët u përpoqën të kryenin grabitjen.
Të tre, megjithatë, u filmuan nga kamerat e sigurisë teksa përpiqeshin të futeshin me forcë nga një dritare. Prandaj, sistemet e sigurisë i detyruan “skifterat” të iknin përpara mbërritjes së policisë.
