Vinicius Junior është i vendosur të qëndrojë në Real Madrid sa më gjatë të jetë e mundur.
Gazetari sportiv italian Fabrizio Romano raporton se sulmuesi brazilian pritet ta nënshkruajë një kontratë afatgjate me “Los Blancos”.
Me këtë rast, 21 vjeçari mund të lidhet me liderin e La Ligas deri në vitin 2027, duke i hequr krejt dilemat sa i përket së ardhmes së tij.
Vinicius është duke e shijuar sezonin më të mirë deri tash në Madrid.
Ai i ka realizuar 17 gola dhe i ka bërë 17 asistime në 44 ndeshje të zhvilluara.
Me Karim Benzeman, ai e përbën një dyshe të frikshme në sulmin e Realit.
