Po kalojnë vite por rekordet e Afrim Tovërlanit mbeten të pathyeshme si trajner!
Tovërlani është trajneri më i suksesshëm në histori të futbollit të Kosovës, që nga vitet e pasluftës e deri me tash.
Qysh i ri (në virin 2007) mori drejtimin e trajnerit të klubit më të trofeshëm në Kosovë, Prishtina.
Nuk kishte më shumë se 39 vjeç por me punën që e bëri, u bë trajneri më i mirë dhe me rekorde të pathyeshme deri me tash.
Filozofia e punës së Tovërlanit i ngjante trajnerëve anglezë, por edhe stili i konferencave të tij ngjanin shpesh herë me të Jose Mourinhos.
Ish pionieri i klubit të futbollit Prishtina, pastaj i gjeneratës së artë të kapitenit Fadil Vokrri, edhe pas shumë viteve e mban rekordin, katër herë kampion, tre tituj me Prishtinën dhe një me Feronikelin.
Jo me kaq, askush nuk e ka thyer edhe rekordin kampion me pikë dallim ndaj vendit të dytë.
Prishtina u bë kampione me 73 pikë në edicionin 2012-2013, e veçanta është me pikëdallim rekord, 15 pikë para vendit të dytë Trepçës ’89. Edhe këtë rekord askush nuk e ka thyer deri me tash.
Askush nuk i ka dhjetë fitore me radhë si Prishtina e edicionit 2007-2008 dhe askush nuk është bërë kampion me pikë dallim si Prishtina ndaj vendit të dytë në edicionin 2012-2013.
Janë rekordet e Prishtinës me Afrim Tovërlanin që askush edhe më tutje nuk mund t’i arrijë! Ky është Afrim Tovërlani, i suksesshëm si futbollist, me rekorde si trajner.
Tabela përfundimtare - edicioni 2012-2013
1. Prishtina 33 22 7 4 66:26 73
2. Trepça '89 33 16 10 7 43:25 58
3. Besa 33 14 9 10 38:37 51
4. Hajvalia 33 12 10 11 43:40 46
5. Feronikeli 33 12 10 11 33:45 46
6. Trepça 33 12 9 12 35:34 45
7. Drita 33 11 12 10 44:45 45
8. Drenica 33 10 13 10 37:38 43
9. Hysi 33 11 9 13 34:31 42
10. Kosova (V) 33 10 12 11 41:34 42
11. Vëllaznimi 33 6 9 18 23:43 27
12. Liria 33 2 10 21 22:61 16