Drejtori sportiv i Milanit, Paolo Maldini e ka konfirmuar se klubi është në bisedime për t’i siguruar shërbimet e sulmuesit të Liverpoolit, Divock Origi.
Maldini ndër të tjera tha se bisedimet janë duke shkuar shumë mirë, me palët që janë shumë afër dakordimit për një marrëveshje që do ta sjell sulmuesin në “Milanelo”.
“Ne jemi në bisedime me Origin dhe gjithçka është duke shkuar shumë mirë”, u përgjigj ai.
Origi gjatë kësaj vere do të jetë transfer i lirë dhe Milanit nuk do t’i kushtojë asnjë cent për transferimin e tij.
