Pas përfundimit të sezonit dhe para fillimit të merkatos verore. Përveç pushimeve. Është koha më e mirë për t’u “zhvatur” të vërtetën protagonistëve të mëdhenj të botës së futbollit, me kupat e ndalura, pa stresin e ndeshjes para dhe pas lojës.
Max Allegri është rrëfyer lirshëm në një intervistë për ‘Dazn’, falë edhe faktit se në anën tjetër të gardhit, me mikrofonin në dorë, ishte një “gazetar” shumë i veçantë si Andrea Barzagli, ish-shtylla e Juventusit.
Një nga pyetjet iu kushtohet lojtarëve të mëdhenj të trajnuar nga Allegri në karrierën e tij. Fillon me dikë që nuk do të jetë më i punësuar nga trajneri livornez, Paulo Dybala, duke përfunduar me një bashkatdhetar: “Paulo duhet të kthehet në të qenit vetvetja. Në një moment e tërhoqi euforia se ai ishte Messi i ri. Një lojtar nuk mund të imitojë apo të mendojë se është si një tjetër.
Ai ka ende shumë për të dhënë, sepse ka cilësi të jashtëzakonshme teknike dhe luan në mënyrë hyjnore, por duhet të kthehet për t’u fokusuar në cilësitë e tij fizike dhe teknike. Ende emocionohem kur mendoj për vitet e kaluara me lojtarë të mëdhenj që më kanë mësuar dhe më kanë dhënë kaq shumë.
Unë kam trajnuar kampionë si Cristiano Ronaldo, Ibrahimovic, Ronaldinho, Robinho, Cassano, Seedorf, Pirlo dhe Buffon. Edhe unë kam pasur sherre me ta, por kampion nuk është ai që del nga dhoma e zhveshjes i dëshpëruar dhe telefonon menaxherin, por dikush që nxjerr krenarinë, të tregon se është ende një kampion dhe kështu fiton ndeshjet në fushë. I vetmi që më ka munguar në stërvitje është Messi”.
