Dimitris Limnios do t’i mungojë Greqisë në ndeshjen e dytë ndaj Kosovës në Ligën e Kombeve.
24-vjeçari ka këputur ligamentet e këmbës dhe do të jetë jashtë fushave për së paku 7 muaj.
Kësisoj, Limnios nuk do të jetë në dispozicion të Gus Poyet për ndeshjen e 12 qershorit, ndaj Kosovës.
Mungesa e tij padyshim se është e mirëseardhur për “Dardanët”, pasi Limnios vlerësohet si një prej futbollistëve më të mirë te grekët.
Ndeshja e dytë në Ligën e Kombeve mes Greqisë dhe Kosovës do të zhvillohet në “Panthessaliko Stadium”, nga ora 20:45.
Kujtojmë se në ndeshjen e parë të zhvilluar në stadiumin “Fadil Vokrri”, grekët triumfuan me rezultatin 0:1.
Greqia me nëntë pikë udhëheq në Grupin 2 të Ligës C, teksa Kosova renditet e dyta me gjashtë pikë.
