Siç raportohet nga gazetari i njohur, Fabrizio Romano, skuadra gjermane Borussia Dortmund pritet që të nënshkruajë me sulmuesin e Ajaxit, Sebastien Haller.
Dortmundi do t’i paguajë Ajaxit dëmshpërblim prej 35 milionë eurosh për shërbimet e Haller, i cili konsiderohet të jetë zëvendësuesi i Erling Haaland.
Haaland këtë verë siguroi largimin e tij nga Dortmundi, ku iu bashkua kampionit anglez, Manchester City.
Tani, Dortmundi është duke pritur vetëm të përfundohen testet mjekësore të Haller, dhe të nënshkruhet marrëveshja me klubin e Ajaxit.
Haller do të jetë transferimi i pestë për Dortmundin këtë verë, pas nënshkrimeve me Schlotterbeck, Sule, Adeyemi, Braaf dhe Ozcan.
