Shkupi është duke përjetuar një sukses të madh në historinë e tij.
Skuadra bardhekaltër gjendet në turin e dytë të Ligës së Kampionëve, ku përballë ka Dinamon e Zagrebit. Ekipi nga çairi i befasoi të gjithë me barazimin 2-2 të marrë në Kroaci dhe në “Todor Proeski” kanë të gjitha mundësitë për të prerë biletën për në turin e tretë.
Por pavarësisht rëndësisë që mbart kjo sfidë dhe faktit se Shkupi luan në Europë si kampione e Maqedonisë së Veriut, fqinjëve lindorë nuk shfaqin aspak interes.
Shkupi është një klubi shqiptar dhe duket se suksesi i tyre nuk mirëpritet në Maqedoninë e Veriut, teksa asnjë televizion në territorin e tyre nuk është ofruar për të transmetuar përballjen kundër Dinamos së Zagrebit. Ndërkohë të gjithë shqiptarët do të kenë mundësinë ta ndjekin këtë duel në “Supersport“.
