Sonte me fillim nga ora 18:00, kampioni i FA Cup, Liverpool dhe kampioni i Premier Ligës, Manchester City, do të përballen kokë më kokë për trofeun e Community Shield.
Vetëm Arsenali dhe Manchester United e kanë fituar këtë trofe më shpesh se Liverpooli (15 herë), ku fitorja e këtij të fundit ishte në vitin 2006, duke humbur më pas dy herë në penallti duke përfshirë këtu kundër Cityt në vitin 2019.
Sa i përket ndeshjes së sotme, të dy skuadrat do të kenë mungesa të lojtarëve, ku për Klopp nuk do të paraqiten Alisson, Jota, Kelleher e Oxlade-Chamberlain, kurse te City mungon mbrojtësi Aymeric Laporte.
Formacionet e mundshme të dy skuadrave i gjeni më poshtë.
Liverpool (4-3-3): Adrian; Alexander-Arnold, Matip, Van Dijk, Robertson; Henderson, Fabinho, Thiago; Salah, Nunez, Diaz
Manchester City (4-3-3): Ederson; Walker, Dias, Stones, Cancelo; Silva, Rodri, De Bruyne; Mahrez, Haaland, Grealish
18:00 Liverpool – Manchester City (Stadiumi King Power)
