Marco Baroni, trajneri i Lecces, sqaroi pse Samuel Umtiti nuk ka bërë ende debutimin e tij në Seria A.
Gjatë intervistës me “Dazn” pas humbjes së Torinos, tekniku tha:
“Samuel është një djalë që e vendos veten përballë sfidave të mëdha. Ne po krijojmë një rrugë për të, për ta rikthyer në gjendjen më të mirë fizike dhe më pas jam i bindur që do të na japë edhe neve një dorë në fushë, ndërkohë që tashmë po na e jep me qëndrimin dhe përulësinë e madhe.”
Është problem forma apo ka problem në gju?
“Jo, jo, ai është mirë fizikisht. Ai duhet të punojë. Ai ka qenë jashtë për një kohë të gjatë, i mungon një gjendje më e mirë fizike.”-tha ndër të tjera Baroni.
