Sot (e shtunë, ora 15:00) në stadiumin “Liman Gegaj” skuadra vendase FC Malisheva e pret Dritën, ekipin e vetëm që ende nuk di për humbje në ALBI Mall Superligën e Kosovës.
Malisheva në këtë ndeshje do të jetë pa trajnerin Arsim Thaqi, të cilin e shkarkoi të enjten për shkak të rezultateve të dobëta.
Përderisa Drita do të jetë e motivuar në këtë takim pas fitores ndaj Gjilanit, Malisheva do të përpiqet të kthehet te fitorja pas disfatës 4:2 që e pësoi nga Prishtina.
Malisheva nuk di për fitore në dy ndeshjet e fundit dhe renditet e pesta në tabelë me shtatë pikë.
