Juventusi po përjeton një moment vështirësie të madhe, madje edhe në nivel sulmues: pa Di Marian nuk ka talent, i njëjti i identifikuar tek ylli i ri që sapo ka lindur në futbollin, por që mund të zhduket.
Emri i këtyre ditëve të fundit është ai i Mykhaylo Mudryk. Ai është i datëlindjes 2001, po shkëlqen me Shakhtar Donetsk, në Champions League ka rënë në sy me dy gola dhe dy asiste në dy ndeshjet e para.
Mbi të gjitha, ai luan në të majtë, por me Chiesa-n që mund të veprojë lehtësisht në të djathtë, aktivizimi i tij nuk do të ishte një problem. Problemi i vërtetë për Juventusin është konkurrenca e pamëshirshme.
Arsenal-i dhe Everton-i tashmë janë vënë në lëvizje, Shakhtar ka refuzuar një propozim shumë të rëndësishëm. Kostoja është të paktën 30, ndoshta 35 milionë euro.
Real Madrid-i gjithashtu i ka kthyer sytë nga Mudryk. Siç raporton ‘Defensa Central’, ukrainasi ka magjepsur vëzhguesit e Los Blancos, të cilët mezi presin ta shikojnë në aksion në ndeshjen e tyre të radhës kundër skuadrës së Ancelotti-t.
Raportet e mbërritura në Valdebebas janë të shkëlqyera, paraqitjet e mira e kanë bërë të ngjitet në hierarkinë e talenteve më të spikatura të momentit.
Mudryk ka vrapim, personalitet, asiste dhe gola. Dhe nuk është rastësi që çmimi është rritur shumë. Arsenal-i është skuadra tjetër shumë e interesuar, Juventus do të duhet të luftojë.
