Rajo Vajekano arriti një fitore fantastike përballë Realit të Madridit me rezultatin 3-2 në javën e 13-ë të La Ligës, duke i dhënë kreun e renditjes Barcelonës.
Protagonist ishte dhe mbrojtësi i Kombëtares shqiptare, Ivan Balliu, i cili nuk i dha shumë hapësira Vinisiusit për të reaguar.
Në një intervistë pas sfidës, Balliu nuk u kursye duke u shprehur se skuadra e tij mund ta pësonte pas minutave të dhëna shtesë.
“I thash arbitrit se mbaroi apo jo, më pas u mendova dhe thashë me vete jo ka dhe tre minuta. Pastaj thash sërish se këta bastardët do na e fusin, por në fund arritëm të fitonim. Për sa i përket penalltisë së përsëritur, thashë me vete se ishte e pamundur që të na linin sërish ta ekzekutonim sepse luanim kundër Realit, por në fund ai e dha”, u shpreh Balliu.
