Ish-futbollisti anglez Jermain Defoe është ndarë nga gruaja e tij vetëm disa muaj pas dasmës së tyre që kushtoi 200 mijë paund.
Defoe, cili u martua pak më shumë se gjashtë muaj më parë, i kaloi Krishtlindjet e tij në ishullin e Karaibeve të St Lucia, ndërsa gruaja e tij Donna qëndroi në shtëpi në Glasgow.
40 vjeçari së fundmi është fotografuar pa unazën e tij të martesës, ndërsa Donna është ka po përdor sërish mbiemrin e saj të vajzërisë Tierney në internet.
Gjithashtu ish-lojtari ka hequr nga ndjekësit bashkëshorten e tij në rrjetet sociale dhe asnjëri nuk ka postuar foto me njëri-tjetrin për më shumë se tetë javë.
The Sun shkroi të dielën se Defoe iu ishte lutur një infermiereje për seks vetëm një muaj pasi u martua.
Një burim i tha Sun tha: “Martesa duket se është në telashe. Ju do të mendonit se ata do të donin t’i kalonin Krishtlindjet e tyre të para si burrë e grua, por nuk e kanë bërë kështu, gjërat nuk po duken aspak mirë.’
Defoe vitin e kaluar u tha se kishte kontaktuar një grua përmes Instagramit dhe e ftoi atë t’i në Range Rover-in e tij vetëm disa javë pas dasmës së tij në qershor, por sportistie mohoi.
Sipas The Sun, ai kontaktoi me infermieren, një nënë 40-vjeçare, në korrik, nje muaj pasi ishte martuar.
Më 4 qershor, Jermain u martua me Donën në shtëpinë madhështore Cliveden House, në Berkshire.
The Sun shkroi se gruaja, emri i të cilës nuk bëhet i ditur, e ka takuar futbollistin vite më parë në një lokal, por ata nuk kishin folur prej vitesh.
“Më pas ai filloi të më dërgonte mesazhe në Instagram në korrik. Ai ishte i dëshpëruar të më takonte dhe ne flirtuam shumë. Pastaj, kur kuptova se ai ishte i martuar, nuk doja që të vazhdonte më tej”, tha ajo, duke shtuar se nuk mendonte se do të ishte e drejtë për bashkeshorten e tij dhe pyeti pse ai do të kërkonte një grua tjetër ‘aq shpejt’ pas dasmës.
Jermain u njoh me gruan e tij Donna duke bërë ‘like’ fotot e saj në rrjetet sociale.
Ata u takuan personalisht në janar 2021, ku ajo i kërkoi atij një autograf.
Vetëm shtatë muaj më vonë ai propozoi në një hotel në Glasgow, duke dekoruar dhomën e tyre me tullumbace në formë zemre dhe petale trëndafili, të cilat shkruanin ‘Marry Me’.
Por Jermain e ka gjetur më parë veten në qendër të thashethemeve për tradhti, duke përfshirë edhe ish-in e tij Alexandra Burke.
