Euro Start nga Shkupi ka siguruar të hënën vendin në finalen e madhe të turneut të dytë Arena Cup në fshatin Hotël të komunës së Likovës, pasi ka mundur HBR Glass nga Sllupcani me shifrat 4-1, në duelin e parë të gjysmëfinaleve.
Serinë e golave për ekipin e Euro Start e ka nisur Agim Ramadani, për të vazhduar me dy golësh Pajtim Rexhepi dhe një tjetër Berat Ismaili, ndërsa golin e vetëm për HBR Glass e ka shënuar Ekrem Memedi.
Në finalen e madhe Euro Start do të takohet me FC Zimberi, i cili mposhti Intermedikën nga Sllupçani me rezultat 3-1.
Finalja e madhe ndërmjet Euro Start dhe FC Zimberi do të luhet të mërkurën, me 4 janar, me fillim prej orës 20:00.