FC Voska Sport gjatë ditës së sotme ka prezantuar mesfushorin tetovar, Besart Rexhepi,
22-vjeçari së fundmi ishte pjesë e Borecit në Ligën e Parë të Maqedonisë së Veriut, ndërsa edhe pse skuadrës nga Ohri i ishte bashkuar që gjatë verës së kaluar, një dëmtim i natyrës më të rëndë, nuk i’a mundësoi debutimin me fanellën e Voska Sport në fillim të këtij edicioni.
Tashmë kur i njëjti ndihet shumë mirë dhe i gatshëm për të ndihmuar skuadrën në pranverë, me Voska Sport ka firmosur kontratë një vjeçare, duke u bërë kështu tetovari i 7-të që do të luaj me këtë skuadër.
Ndryshe, Rexhepi është prodhim i shkollës së Shkëndijës, derisa gjatë karrierës së tij në formë huazimi kishte luajtur edhe me Gostivarin, Dritën e Bogovinës dhe Borecin.
