Real Madrid vazhdon të fitojë trofe. I fundit u arrit pas suksesit 5-3 në finalen e Botërorit për Klube ndaj Al Hilal, që ishte edhe trofeu numër 31 i epokës Florentino Perez.
“Los Blancos” numërojnë pesë triumfe ë Botërorin për Klube (tetë nëse marrim parasysh edhe ato të fituara para ndryshimit të formatit, duke llogaritur edhe Kupën e vjetër Ndërkontinentale).
Ndërkohë, feston edhe Toni Kroos, i cili ka vendosur një rekord të veçantë. Mesfushori gjerman u shpall kampion bote për herë të shtatë gjatë karrierës së tij fantastike.
Pesë herë me Realin, njëherë me Bayern Munchen (2013) dhe njëherë tjetër me kombëtaren e Gjermanisë në Botërorin Brazil 2014.
33-vjeçari fitoi trofeun e 18-të me Realin. Kroos ndodhet në vitin e fundit të kontratës me klubin legjendar. Tifozët dhe trajneri Ancelotti shpresojnë që ai të rinovojë.
