Italia e Roberto Mancini-t do të dalë në fushë të enjten më 23 mars në stadiumin ‘Diego Armando Maradona’ në Napoli kundër Anglisë, në ndeshjen që do t’i hapë rrugën kualifikueseve të EURO 2024.
“Natyrisht që nuk do të jetë një ndeshje e thjeshtë dhe shpresa është që të kemi të gjithë lojtarët në dispozicion, edhe nëse kanë mbetur rreth 20 ditë dhe shpresa është të rikuperojmë të gjithë në mënyrë që të mund të zgjedhim”, tha trajneri.
“Ne duam ta fillojmë mirë, duke luajtur në stadiumin e një qyteti ku ka entuziazëm të madh dhe kundër një kundërshtari me të cilin jemi përballur shumë herë në kohët e fundit.
‘Maradona’ sigurisht që do të jetë plot dhe shpresojmë që napolitanët do të na japin një dorë”.
Më pas trajneri u ndal te partneriteti me Telepass, “një shoqërues i përjetshëm udhëtimi për mua dhe për shumë italianë.
Do të jetë një kombinim absolutisht i rëndësishëm dhe fitues: më duket se kemi marrë një rrugë të mirë dhe rëndësia e punës në grup është thelbësore”.
