Conte nuk i kursen batutat

Futboll

Conte nuk i kursen batutat

Më: 10 mars 2023 Në ora: 18:53
Conte

Conte nuk i kursen batutat. Eliminimi nga Championsi dhe situata jo e mirë në kampionat, kanë tronditur ndjeshëm pozitat e italianit në pankinën e Tottenhamit.

Në konferencën për shtyp para sfidës me Nottingham Forest, tekniku u pyet nga gazetarët nëse “ishte gati të vdiste” për Tottenhamin, teksa përgjigjja e tij ishte e qartë.

“Nëse më pyesni a jam gati të vdes për Tottenhamin, ju them po. Jam gati të vdes për klubin, deri në fund të këtij sezoni.

Por nuk jam budalla që të vras veten”, tha Conte, duke lënë të nënkuptohet se nuk ka ndërmend të japë dorëheqjen.

Kontrata e italianit me Tottenhamin skadon në fund të sezonit, teksa Conte shpjegon edhe pritshmëritë që ka nga drejtuesit.

“Unë zakonisht firmos kontrata 3-vjeçare e lart, por këtë herë ramë dakord për vetëm 18 muaj.

Doja që klubi të më njihte mua si trajner dhe aftësitë e mia. Por doja që edhe unë të njihja ambiciet e klubit.

Tani dimë gjithçka për njëri-tjetrin dhe në fund të sezonit do të ulemi për të vendosur për të ardhmen”, u shpreh italiani.

commentFirst article
Sot mund të lexoni Shfletoni kopertinat