Prishtina është në gjysmëfinale të Kupës së Kosovës.
Bardhekaltrit shënuan fitore me rezultat 2:0 ndaj Ballkanit, në takimin që u zhvillua në stadiumin “Sami Kelmendi” në Lipjan.
Ballkani nga Theranda, kampion në fuqi, duket se ka harruar se e kishte karshi Prishtinën, skuadrën më të trofeshme në vendin tonë.
Prishtina me meritë është kualifikuar në gjysmëfinale të Kupës së Kosovës.
Futbollisti Kreshnik Uka shënoi nga penalltia në minutën e 45+3 dhe Genc Hamiti në minutën e 58-të.
Në minutën e 73-të, tërthorësja shpëtoi therandasit, pas një goditje të fortë të Krasniqit nga rreth 11-12 metra.
Ballkani eliminohet nga garat e Kupës dhe i mbetet të luftojë për titullin e kampionit të Kosovës.
Prishtina pa trajner, pasi që Ismet Munishi u shkarkuar ditë më parë, me lojë të mirë e ka rrëzuar Ballkanin.
