Sulmuesi norvegjez, Erling Haaland ditë pas dite, e gjen veten duke shkruar një faqe të historisë së futbollit me një tjetër rekord të thyer.
Mes golave dhe dominimit në zonë e rreptësisë ka vërtet shumë për të folur.
Madje, në disa ndeshje duket se ish-sulmuesi i Borussia Dortmund-it është i pathyeshëm.
Nuk dihet nëse është vërtet kështu, por ndjesia është ajo e një mbrojtjeje kundërshtare që është vazhdimisht në vështirësi kur ai është pranë. Mesatarja e golave të tij për Manchester City-n këtë sezon është vetëm një nga shumë faktet befasuese për kohën e tij në Angli.
Me pak fjalë, një golashënues i gjithanshëm. Por cili është sekreti i tij për të qenë kaq i fortë? Me sa duket ky është një sekret shumë i çmuar, duke qenë se po e çon atë të fitojë shuma marramendëse.
Po aq marramendëse sa paraqitjet e tij, që me sa duket do ta bëjë atë të thyejë shumë rekorde të tjera të konsideruara deri tani të paprekshme. Në fund të fundit, ka një arsye pse është kaq i fortë. Sigurisht teknika ka rëndësi, ashtu siç ka rëndësi të kesh nuhatjen e sulmuesit për gol.
Pjesa më e madhe e suksesit të tij, në nivel fizik, është për shkak të dietës që ndjek. Çdo profesionist i nënshtrohet dietave specifike. Por ajo që norvegjezi bën nga ky këndvështrim është vërtet e mahnitshme.
Sekreti i Haaland bazohet i gjithi në atë që ai bën në stërvitje.
Puna e palodhur “prapa skene” është një pasojë e qartë dhe evidente e asaj që shihet në fushë. Me sa duket dieta norvegjeze parashikon marrjen e 6000 kalorive në ditë.
Për sa i përket ushqimeve individuale, megjithatë, shumëllojshmëria nuk është menduar aq shumë.
Kryesisht flasim për pulën dhe peshkun, me një hapësirë të vogël të dedikuar edhe për makaronat dhe perimet.
Mishi i kuq është padyshim ushqimi i pranishëm në sasi më të mëdha në dietën e sulmuesit. K
jo padyshim ka bërë që shumë ekspertë të diskutojnë, të cilët kanë arritur në përfundimin se një dietë e ngjashme mund të ketë pasoja.
