Ndeshjet gjysmëfinale të Kupës së Maqedonisë së Veriut në futboll, priten me kureshtje nga dashamirët e futbollit.
A do të kemi finale shqiptare?
Nesër (15.00) do të luhen ndeshjet gjysmëfinale të Kupës së Maqedonisë, në Strugë, skuadra e Struga Ttrim Lum takohet me Sileksin, ndërsa Shkendijës në Tetovë ballafaqohet me Makedonija GP.
Kapiteni i Struga Trim Lum, Bunjamin Shabani, në prag të duelit të nesërm me Sileksin, ka thënë mes të tjera për mediumin maqedon “Sportmedia”: “Sigurisht që nuk do të jetë e lehtë, Sileksi është një ekip i madh, do të jetë vështirë për ne, këto ndeshje në Kupë janë specifike, por shpresoj t'ia dalim.
Nuk e fshehim se duam të kualifikohemi në finalen e madhe”.
“Megjithatë, ne luajmë në shtëpi, para tifozëve tanë, jemi maksimalisht të motivuar, e dimë që duhet të japim maksimumin.
Unë personalisht besoj në këtë ekipin tonë që mund të festojnë nesër”, tha mes të tjera Shabani.
