Diego Simeone qëndron në stolin e Atletico Madrid prej dhjetorit të vitit 2011.
52-vjeçari ka fituar nga dy herë La Liga-n, Europa League dhe Superkupën e Europës me skuadrën kryeqytetase.
Por edhe Kupën e Mbretit, Superkupën e Spanjës.
Në dy raste ka mbërritur me Atleticon në finalen e Champions League, por pa ia dalë të fitojë asnjë nga duelet me rivalët e qytetit: Real Madrid.
El Cholo është tekniku më i paguar në botë, ndërkohë që shumë është përfolur sikur ky është sezoni i fundit i tij në stolin e skuadrës iberike.
Presidenti i Atleticos, Enrique Cerezo foli në lidhje me këtë temë, ku ndër të tjera tha:
“Më bëhet gjithmonë e njëjta pyetje.
Ciklet përfundojnë atëherë kur njerëzit duan që ato të përfundojnë…
U bënë 11 vite që jemi bashkë me Simeonen. Ai ka edhe një vit kontratë me ne.
Nëse dëshiron të vijojë të jetë trajneri ynë, unë mendoj se e meriton.
Rinovimi? Nuk do të kemi probleme për të firmosur kontratën e re”, u shpreh kreu i klubit spanjoll.
