Llapi i Podujevës ka 91 vite që është themeluar.
Klub që ka dhënë dhe po jep emra të mëdhenj të futbollit.
“Urime 91-vjetori i themelimit të klubit tonë të zemrës, KF Llapi.
Kjo datë shënon themelimin e njërit prej klubeve më me traditë në Kosovë, klub që vit pas viti ka shënuar suksese të shkëlqyeshme dhe arritje historike duke fituar dy-herë radhazi Kupën e Kosovës dhe një-herë tjetër Superkupën.
Urime gjithë kontribuesve të klubit, ish-pjesëtarëve e futbollistëve të gjeneratave të ndryshme, duke filluar nga gjeneratat e sakrificës e deri tek gjeneratat e ditëve të sotme.
Urime bordit drejtues të tanishëm të klubit, aksionarëve, sponsorëve, trajnerëve, pjesëtarëve administrativ, futbollistëve të ekipit senior dhe gjithë futbollistëve të kategorive të reja.
Në 91-vjetorin e themelimit do mundohemi që sukseset të mos mungojnë dhe t'i bëjmë krenar gjithë tifozët tanë llapjanë.
Nën moton "Frymë e re për suksese të reja", vazhdojmë drejt realizimit të objektivave tona”, shkruan Bordi Drejtues, presidenti i klubit Beqir Batatina.