Njëri nga futbollistët më të mirë, që pati Kosova në 20-të vitet e fundit, Robert Gjeraj, i ka dhënë lamtumirën lojës aktive.
Ai, kudo që luajti në klubet e ndryshme dha maksimumin, duke mos kursyer jo rrallë as pjesë të trupit, siç qe dhe ndeshja e barazhit.
‘I shkathët, i dashur për bashkëlojtarët e mbi të gjitha sportist shembull.
Kapiten me plotë kuptimin e fjalës.
Nuk ka se si, e përshkruan ndryshe personalitetin e tij. Thjeshtë i pa krahasueshëm.
Model se si duhet ndjekur rrugën e suksesit, për brezat e rinjë", ka thënë me nostalgji kryetari i klubit, Qemal Krasniqi.
Vetë Gjeraj, pohon se shumë të vështirë e ka ndarjen.
"Ndjehem i përmbushur pasi me Lirinë, arritëm të kthehemi në Superligë", tha ai mes lotësh.
Ndryshe, kapiteni Gjeraj do të vazhdoj me Lirinë, por me zejen e trajnerit.
Liria, pret shumë që Gjeraj, në detyrën e re të ketë shumë suksese, duke ditur përvojën e madhe.
Emri i tij, do të shkruhet me shkronja të arta, në historinë e klubit.