Me ndryshimet që janë bërë në rang drejtues te klubi i Milanit, Franco Baresi do të përfshihet më shumë në aktivitetet e klubit.
Ish-kapiteni historik, aktualisht nënpresident nderi, sipas informacioneve të dhënë nga “Milannews” do të ndajë përvojën e tij për mbi 40-vjeçare me “kuqezinjtë” e Italisë dhe besueshmërinë e tij për të mirën e menaxhmentit dhe komponentit sportiv.
Ai do te kontribuoje në procesin e forcimit të “Djallit” pas riorganizimi të fundit të korporatës.
Baresi, i vlerësuar shumë nga pronarët dhe menaxhmenti i klubit, do të jetë një “garanci e mëtejshme për të gjithë tifozët, duke përfaqësuar vlerat themeluese dhe të pandryshuara të familjes ‘kuqezi’, ndërsa do të ketë më shumë të drejta vendimmarrjeje.
