Benzhamin Mendi u shpall i pafajshëm nga gjykata në “Chester Crown Court”, pasi akuzohej për përdhunim.
Pas Memfis Depai, braziliani Vinicius ishte futbollisti i radhës, duke vënë në dukje ndikimin psikologjik, por edhe atë profesional, që pati ky rast te ish-mbrojtësi i Mançester Sitit.
“Më vjen keq për gjithçka që ke kaluar, Benzhamin Mendi. Ke humbur dy vite të karrierës, por kjo është më e pakta nga gjithë kjo situatë… Po dëmi psikologjik? Me siguri jeta jote nuk do të jetë kurrë e njëjtë.
Kultura e shkatërrimit të reputacionit ka edhe një viktimë tjetër.
Deri kur do të akuzohemi dhe do të dënohemi pa pasur të drejtën e mbrojtjes bazë? Lajmet e rreme krijohen dhe përhapen pa kontrolluar faktet (që unë personalisht e kam ndjerë shumë) dhe më pas përkeqësohet.
Të qenit i përgjegjshëm do të ishte minimumi për çdo profesionist, por në ditët e sotme puna serioze është bërë përjashtim. Nuk ka kufij për të marrë më shumë klikime dhe angazhim. Pyetja ime është se çfarë do të bëhet për të riparuar dëmin?”, shkruan braziliani në “Twitter".
