Ivan Balliu feston suksesin e parë në këtë sezon të La Ligas pikërisht në ndeshjen hapëse të sezonit të ri. Rayo Vallecano, ku aktivizohet mbrojtësi i Kombëtares Shqiptare, triumfoi 0-2 në fushën e Almerias, duke i bërë një nisje perfekte kampionatit.
Të dy golat e ndeshjes u shënuan në pjesën e parë në harkun kohor të tetë minutave dhe në të dy rastet me 11-metërsh.
Një ndeshje e mbyllur praktikisht brenda fraksionit të parë, pasi në pjesën e dytë vendësit nuk patën forcë as për ta rihapur ndeshjen.
Tri pikë shumë të rëndësishme për Rayon në start, që i japin më shumë moral për ndeshjet e ardhshme.
