Gjilani është një orë me makinë larg nga Prishtina dhe një orë nga Shkupi.
“Klubi më paguan apartamentin, të ardhurat e mia janë të rregullta, kam qetësi dhe shoqëri të mirë”, - thotë Edi Basha
“Nga qyteti i Kosovës, Gjilani, kontaktuam futbollistin e vetëm kroat, 30-vjeçari Edi Basha nga Pazin, që luan në Ligën e Parë të Kosovës, kompeticionin që quhet Albi Mall Superliga.
Klubi i tij quhet SC Gjilani, është i shtati në ligën me dhjetë klube, dhe deri në vitin 1991 quhej Cërvena Zvezda dhe në mesin e viteve '80 ishte pjesëmarrës në ligën e dytë ish jugosllave”, shkruan media kroate “Veçernj list”.
“Gjilani është një orë me makinë nga Prishtina dhe një orë nga Shkupi.
Deri në verën e kaluar kam kaluar dy vjet në Shqipëri, në Kukës dhe atje kam takuar disa djem që janë nga këtu dhe më kanë ftuar në Gjilan.
Isha pa klub në atë kohë, prisja diçka, por rezultoi i kundërt dhe nuk mund të prisja më. Kështu SC Gjilani u bë alternativa më e mirë për mua”, - thotë Basha, mbiemri i të cilit mund të jetë jetë edhe shqiptar.
“Edhe emri edhe mbiemri im është shqiptar. Por unë jam nga Istra. Po të isha shqiptar, mbiemri im do të shkruhej Basha.
Pse SC Gjilani është alternativa më e mirë për ju për të vazhduar karrierën tuaj?
“Janë njerëz korrekt, për sa i përket pagesës. Nuk ka mashtrime - dhe vetëm kjo më bën të ndihem mirë këtu.
Në rregull, futbolli është pak më i dobët këtu, problemi janë fushat, luhet në bar artificial, kështu që futbolli nuk duket aq i mirë sa mund të ishte nëse fushat do të ishin më të mira. Ne e kemi me bar artificial në Gjilan.
Më parë, klubi ka luajtur në një stadium më të madh që zë dhjetë mijë shikues, por tani po rinovohet, kështu që ne luajmë në një stadium më të vogël, i cili është me bar artificial. Ndoshta dy mijë njerëz i zë aty”.
Si ish-lojtar i Ligës Kroate, si dhe i Sllovenisë (Koper), i Bosnjë-Hercegovinës (Shiroki, Zhelezniçari), a jeni një nga lojtarët më të mirë në Ligën e Kosovës?
“Kjo ligë nuk është e njohur dhe e lavdëruar, por ka lojtarë shumë të mirë në të.
Sidomos në Ballkan; do ta shihni, ata janë lojtarë të mirë, nuk duhen nënvlerësuar. Është shumë më e lehtë për mua të luaj këtu sesa në Shqipëri.
Liga është më e fortë atje, stadiumet dhe fushat janë më të mira, dhe këtu në Kosovë e gjeta veten.
Unë kam një situatë të qetë dhe të qëndrueshme, jam në një klub të mirë. Arrita ta zotëroj deri diku gjuhën shqipe, ndaj komunikoj mirë me shokët e skuadrës”, përgjigjet ai.
A luhet ashpër në Kosovë?
“Nuk është aq e frikshme”-qesh Basha dhe shton: “Vetëm ai bari artificial shkakton problem, topi ndalon, nuk rrëshqet si në barin e vërtetë. Deri më tani këtu kam luajtur gjashtë ndeshje, kam shënuar një gol, në xhiron e fundit kur mundëm Lirinë 1:0”.
A do t'i rekomandonit futbollistët tanë të vijnë të luajnë në Kosovë?
“Për lojtarët e rinj, kjo është një ligë e mirë, ata do të merrnin hapësirë për të provuar veten. Megjithatë, është e vështirë të shkosh jashtë nga këtu, sepse ajo ligë është ende më pak e ndjekur krahasuar për shembull me atë shqiptare. E megjithatë, nëse një lojtar i ri është në një pikë kthese, nëse nuk ka zgjidhje, sigurisht që do ta ndihmonte Liga e Kosovës. Liga e parë është liga e parë, çfarëdo qoftë ajo”.
Cilat janë të ardhurat mesatare vjetore të futbollistëve profesionistë në Kosovë?
“Varet nga klubi në klub. Për shembull, Ballkani mund të paguajë deri në tetë mijë euro në muaj - ky është maksimumi.
Në klubet e tjera, afërsisht pesë mijë euro, që mund të negociohen. Gjilani është një qytet më i vogël, i qetë, gjithçka është afër meje. Unë kam një apartament të paguar nga klubi, dhe kam edhe shoqëri të mirë në klub; është një boshnjak dhe një bullgar, dy Maqedonisë. Unë kam jetuar deri vonë në Tiranë, dhe është një mjedis krejt tjetër.
A keni luajtur kundër Ballkanit?
“Po, ishte ndeshja ime e dytë, humbëm 1:2. Dhe ne madje mund të fitonim. Ballkani së fundmi ka shitur dy lojtarë, por kanë marrë dy të rinj. Ata janë një skuadër që luan prej vitesh bashkë, janë të mirëkoordinuar. Teknikisht janë të mirë, kanë cilësi. Ata janë ekipi më i mirë në Kosovë”.
Dhe si e krahasoheni me Dinamon?
“Unë shikoj dhe ndjek Dinamon. Kam arritur të shikoj gjysmë ore ndeshjen me Hajdukun. Dinamo është favorit ndaj Ballkanit, por gjithçka mund të ndodhë në futboll. Edhe Dinamo ka shitur shumë lojtarë, tani sigurisht që është paksa i lëkundur, por nëse është në nivelin e saj - në të cilin e di dhe mund të jetë, atëherë nuk do të ketë probleme në Prishtinë.
A ka Ballkani një shikueshmëri të zhurmshme, fanatike në Prishtinë?
“Ndeshjet evropiane luhen në stadiumin kombëtar ‘Fadil Vokrri’ në Prishtinë. Mund të ketë më së shumti deri në dhjetë mijë spektatorë. Edhe unë do të jem në atë lojë”.
