Trajneri i Anglisë, Gareth Southgate pas ndeshjes me Italinë për kualifikimet e Euro 2024 e ka vlerësuar lart futbollistin e Real Madrid, Jude Bellingham.
Anglia fitoi ndeshjen me rezultat 3-1 dhe Bellingam ishte një nga më të mirët në fushë.
"Mentaliteti i Jude Bellingham është i jashtëzakonshëm për moshën e tij.
Të ketë një ndikim të tillë në një moshë kaq të re, të tregojë kaq pjekuri, por edhe përulësi. Jemi shumë me fat që e kemi atë", ka thënë trajneri anglez.
“Isha shumë i kënaqur me mënyrën se si e kontrolluam lojën”.
Bellingham gjithashtu ka lënë gjurmë të menjëhershme te Real Madrid që kur u bashkua nga Borussia Dortmund këtë vit, duke shënuar dhjetë gola në dhjetë ndeshjet e tij të para/
