Përfaqësuesja e Maqedonisë së Veriut në futboll ka lënë pas humbjen nga Italia në Romë dhe është fokusuar për ndeshjen e radhës që do ta luaj nesër kundër Anglisë në Shkup.
Me shanset e humbura për Europian, të përzgjedhurit e Bllagoja Milevskit do të luajnë për të nxjerrë një rezultat pozitiv në ndeshjen e fundit të këtij cikli eliminatorë që për Maqedoninë ishte shumë i vështirë në një grup me plotë ekipe të forta si Anglia, Italia e Ukraina.
Anglezët në Shkup vijnë me disa mungesa të rëndësishme, teksa te Maqedonia edhe pse pas një ndeshje të fortë me Italinë, të gjithë futbollistët ndjehen mirë dhe shihen të gatshëm edhe për një përballje kundër kryesuesve të grupit dhe njëri nga pretendentet kryesor për të fituar Europianin e vitit 2024.
Ndeshja ndërmjet Maqedonisë së Veriut dhe Anglisë do të zhvillohet nesër në arenën “Todor Proeski” në Shkup, duke nisur nga ora 20:45, në një stadium që do të jetë i mbushur përplotë, pasi i gjithë kapaciteti është shitur.
