Mbrojtësi holandez Matthijs De Ligt pritet të lërë skuadrën e Bajern Munihut. Për 25-vjeçarin është interesuar skuadra e Arsenal, që ka rritur ndjeshëm presionin kohët e fundit për ta sjellë mbrojtësin në Premier Ligë.
Gjithsesi, vështirë që ky transferim të kryhet në merkaton e janarit, për shkak të shifrave të larta që kërkojnë bavarezët.
Sipas “The Athletic”, skuadrat po punojnë për të arritur një marrëveshje verën e ardhshme.
Ky sezon ka qenë me shumë luhatje për De Ligt, kushtëzuar edhe nga dëmtimet e shpeshta, që e kanë lënë pushim. Problemet fizike kanë ndikuar shumë në rendimendin e tij këtë sezon.
Deri më tani De Ligt ka koleksionuar vetëm 11 ndeshje në Bundesliga këtë sezon, duke realizuar edhe një gol. Tek Arsenal e konsiderojnë përforcimin e duhur për të ardhmen, duke parë përvojën e tij.
