Real Madridi ndoshta nuk ka nevojë për më shumë motivim në El Clasico, teksa do të kërkojnë të fitojnë titullin e Superkupës së Spanjës kundër Barcelonas të dielën.
Blaugranat mposhtën Los Blancos janarin e kaluar, por nëse kjo nuk do të mjaftonte, Florentino Perez ka premtuar se do të mbushë xhepat e lojtarëve të tij në rast të një fitoreje në Arabinë Saudite.
Real Madridi shkon në El Clasico në formë shumë të mirë, pasi ka fituar 12 nga 13 ndeshjet e fundit, dhe me eufori pas fitores së madhe në derbin kundër Atletico Madrid.
Sipas Defensa Central, presidenti Perez ka rënë dakord me kapitenët e Real Madridit që lojtarët të marrin një bonus prej 150 mijë euro nëse fitojnë, që arrin në 4 milionë euro në total.
Paratë do të jenë në dispozicion të çdo anëtari të skuadrës dhe stafit stërvitor. Paratë barazohen me gati gjysmën e asaj që do të merrnin nga RFEF për pjesëmarrjen e tyre në kompeticion.
