Sipas raportimeve, Erling Haaland mund të largohet nga Manchester City në kërkim të vlerësimeve personale, pasi Lionel Messi e ka bindur sulmuesin të ndjekë në një rrugë tjetër.
Haaland ka qenë në City që nga vera e vitit 2022, ku ai u transferua për një shumë modeste në situatën e sotme ekonomike prej 60 milionë eurosh nga Borussia Dortmund.
Ai ka një kontraktë me kampionët e Premier League deri në vitin 2027, por pretendohet se marrëveshja e tij përmban një klauzolë lirimi prej 170 milionë £.
Klauzola bëhet aktive në verë, por AS thotë se klubet jo-angleze si Real Madridi do të duhet të paguajnë vetëm 86 milionë sterlina.
Sulmuesi norvegjez ka shkëlqyer në Premier duke thyer rekordin e golave në kampionatin anglez në sezonin e tij të parë, duke shënuar 36 gola në 35 ndeshje.
Manchester City gjithashtu u bë vetëm skuadra e dytë britanike që fitoi Tripleten e lakmuar të Premier League, FA Cup dhe Champions League, duke barazuar arritjen e Manchester United në 1999.
23-vjeçari aktualisht është ende golashënuesi më i mirë i Premier League këtë sezon, pavarësisht se nuk ka luajtur me Cityn që nga 6 dhjetori, por ai pritet të kthehet në skuadër këtë mbrëmje kundër Burnley.
Ndërsa mund të duket se nuk ka vend më të mirë për Haaland, raportet kanë dalë që sugjerojnë se norvegjezi ka marrë vendimin për t’u larguar nga Manchester City.
Sipas diarioas: “Erling Haaland tani është i bindur se duhet t’i bashkohet Real Madridit për të fituar çmime individuale, çmimi më i mirë i FIFA-s që i është dhënë Leo Messit i ka hapur sytë”.
Pavarësisht se fitoi gjithçka që mund të kishte fituar në vitin 2023 dhe ishte golashënuesi më i mirë i klubit të tij gjatë gjithë sezonit, Haaland humbi garën për Topin e Artë ashtu edhe për çmimin The Best të FIFA-s.
Lionel Messi fitoi të dy çmimet, duke përfunduar përpara Haaland dhe Kylian Mbappe.
Fitoret e Messit thuhet se ishin momenti i qartësisë për Haaland që nëse ai do të vlerësohet individualisht për aftësitë e tij, ai mund të kishte nevojë për një ekip tjetër.
Nga katër lojtarët e fundit që kanë fituar Topin e Artë, tre prej tyre kanë luajtur për Real Madridin, kështu që Bernabeu mund të jetë vendi i përsosur për Haaland për të shfaqur aftësitë e tij.
