Vjosa ka fituar me rezultat 4-1 ndaj 2 Korrikut në ndeshjen 1/8-tës së Kupës së Kosovës duke siguruar kualifikimin në çerekfinale të kësaj gare.
Klubi nga Shtimja ka marrë një fitore të madhe në ndeshjen e tyre si vendas, por të zhvilluar në stadiumin “Sami Kelmendi” në Lipjan.
Pjesa e parë e ndeshjes u karakterizua me dominim të vendasve, të cilët arritën të shënojnë dy gola.
Goli i epërsisë 1-0 erdhi në minutën e 11-të me anë të Drin Ymerit, ndërsa në minutën e 16-të shënoi Ardian Selimi për 2-0 dhe me këtë rezultat ekipet shkuan në pushim.
Në pjesën e dytë, mysafirët filluan më mirë duke shënuar një gol të hershëm, por vendasit shënuan edhe dy gola tjerë për të siguruar fitoren.
Goli i ngushtimit të epërsisë erdhi në minutën e 48-të për 2-1 me anë të Arlind Maqedonci, por Vjosa shënoi me anë të Enis Stubllës në minutën e 64-të për 3-1.
Në minutën e 83-të ishte Fidan Gashi, i cili shënoi edhe goli i epërsisë 4-1 dhe me këtë rezultat u mbyll ndeshja dhe Vjosa iu gëzua kualifikimit në çerekfinal.
