Nuk ka shaka me kampionin në fuqi Ballkanin e Therandës.
Therandasit treguan forcën ndaj Lirisë në stadiumin “Përparim Thaçi” në Prizren, duke shënuar fitore me rezultat 3:0, në takimin e javës së 19-të të elitës së futbollit të Kosovës.
Kampioni në fuqi kaloi në epërsi me golin e futbollistit Gentrit Halili në minutën 21-të, që shënoi kundër Lirisë.
Në minutën e 26-të, Hamidi gjuan nga 17 metra por shtylla e majtë e shpëtoi Lirinë.
Në pjesën e dytë, therandasi thellojnë fitoren me golin e Almir Kryeziut në minutën e 58-të e Armend Thaçit në atë të 86-tën.
Portieri i Ballkanit, Enea Koliqi u lëndua në minutën e 90+3 dhe u largua nga fusha.
Ndeshjen e përcollën mbi 3 mijë shikues.
Ballkani kryeson me 43 pikë, ka 6 më shumë se Llapi dhe 9 se Drita në vend të tretë.
Liria është në fund të tabelës me 9 pikë të tubuara.
