Lojtari i Borussia Dortmundit, Donyell Malen, ka zbuluar se do të ishte i etur të ribashkohej me Arsenalin për të realizuar qëllimin e tij për të luajtur në Premierligë.
Më herët ishte raportuar se Maleni do të vihet në dispozicion për transferim këtë verë pasi Dortmundi përgatitet për një ristrukturim, me një çmim prej 50 milionë eurosh të vendosur për 25-vjeçarin.
Maleni po shijon sezonin më të mirë të karrierës së tij në Bundesligë këtë vit. Në 21 ndeshje të Bundesligës, ai ka shënuar dhjetë gola. 25-vjeçari, i cili tani është një pjesëtar vendimtar i sulmit të Dortmundit, pranoi se ende ka ëndrra për të luajtur në Premierligë.
Duke folur për “Voetbalzone”, Maleni tha [nëpërmjet 90Min]: “Mendoj, sepse kam luajtur në Angli si i ri, është një ëndërr të luaj në Premierligë. Mendoj se është një ëndërr e bukur”.
I pyetur konkretisht për një rikthim në Arsenal, Maleni shtoi: “Po, do të [kthehesha]. Doja Arsenalin [si adoleshent], klubin tim të preferuar. Kam luajtur atje në rininë time, me të vërtetë doja të depërtoja atje. Atëherë në një karrierë futbolli ka pika në të cilat thjesht duhet të marrësh një vendim”.
“Po, isha duke u stërvitur me ekipin e parë, dhe isha 17, 18 vjeç në atë kohë dhe bëra hapa në drejtimin e duhur, por mendova se duhej të luaja vetëm futboll profesionist. Gjithashtu i pashë shokët e mi të skuadrës duke luajtur futboll profesional, ndërsa Unë isha ende duke luajtur futboll për të rinjtë dhe e dija se [largimi] ishte gjëja e duhur për të bërë”.
Maleni u ble nga Arsenali nga Ajaxi në 2015 si një talent shumë i reklamuar. Holandezi pati një qëndrim të suksesshëm me ekipet e të rinjve të “Topçinjve”, duke bërë bujë në nivelet U-18 dhe U-23 përpara se të vendoste të luante futboll të lartë dhe t’i bashkohej PSV Eindhovenit.
