Vicente Del Bosque ka dhënë një intervistë të gjatë për “Flashscore”, në të cilën ka shqyrtuar kohën e tij në pankinën e Real Madridit dhe kombëtaren spanjolle. Ai ka folur edhe për situatën aktuale të “Los Blancos”, ku pritet ardhja e mundshme e Mbappes në verën e ardhshme.
“Ai është një lojtar i madh, por vjen te një ekip që po luan shumë mirë për momentin. Jam i sigurt se do ta përmirësojë atë që është tashmë, por kujdes…
Real Madridi ka një skuadër shumë të mirë, nuk duhet t’i nënvlerësojmë ata lojtarë që janë atje”.
Për Ancelottin: “Nga jashtë kam përshtypjen se ka një grup lojtarësh të shëndetshëm, një grup të mirë.
Të gjithë shkojnë mirë, gjë që është shumë e rëndësishme. Dhe, sigurisht, mënyra se si Carlo e menaxhon ekipin më duket ideale. Gjëja kryesore është që ambienti i punës të jetë ideal. Pa këtë është e vështirë të fitosh”.
Xabi Alonso dhe Xavi si trajnerë: “Së pari, jam shumë i lumtur për të gjithë ata që tani janë trajnerë.
Edhe Xavi Hernández, për shembull. Të dy po drejtojnë skuadra të mira. Xavi ishte kampion i La Liga-s vitin e kaluar me Barçën, Xabi Alonso tani praktikisht e ka titullin e Bundesligës brenda fushës së vet.
Jo të gjithë ata që ishin lojtarë të mirë janë domosdoshmërisht trajnerë të mirë, por në rastin e tyre mendoj se kanë njohuri shumë të mira të lojës dhe asaj që duhet të bëjnë si trajnerë”.
