Sipas L’Equipe, Kilian Mbape dëshiron të largohet nga Paris Sen Zhermeni, për shkak të premtimeve të dështuara të bëra nga presidenti i klubit Naser Al-Khelaifi.
Mbape thuhet se u ka thënë parisienëve se do të largohet në verë pas skadimit të kontratës. Francezi nënshkroi një marrëveshje të re në verën e vitit 2022, dhe megjithëse ka një klauzolë zgjatjeje njëvjeçare, Mbape nuk do ta aktivizojë atë.
Në vitin 2022, dukej pothuajse e sigurt se Mbape do të largohej, por kundër të gjitha gjasave, francezi nënshkroi një marrëveshje të re. Raporti i lartpërmendur pretendon se Al-Khelaifi, megjithatë, nuk i mbajti premtimet e bëra Mbappes në atë kohë. Si rezultat, fituesi i Kupës së Botës 2018 do largohet këtë verë dhe Real Madridi duket se do ta marrë me kosto zero. Kilian Mbape, megjithatë, tashmë e ka gdhendur emrin e tij në librat e historisë së parisienëve.
25-vjeçari është golashënuesi më i mirë i të gjitha kohërave të klubit. Pasi mbërriti në vitin 2017, fillimisht në huazim nga Monako para se ta bënte lëvizjen e tij të përhershme në 2018, Mbape ka shënuar 250 gola dhe ka dhënë 106 asiste në 297 paraqitje për gjigantët e Ligue 1 në të gjitha kompeticionet.
Këtë sezon, pavarësisht pasigurisë që rrethon të ardhmen e tij, Mbape ka qenë fenomenal, duke realizuar 38 gola dhe duke dhënë tetë asiste në 37 ndeshje të luajtura në të gjitha kompeticionet.
