Ish-lojtari i të rinjve të Paris Saint-Germain, Habib Beye, ka kritikuar Kylian Mbappe për paraqitjen e tij në ndeshjen e Champions League kundër Barcelonas.
Parisienët u përballën me spanjollët në ndeshjen e parë të çerekfinales në Parc des Princes. Raphinha zhbllokoi ndeshjen në minutën e 37-të, duke e kaluar Barcelonan në avantazh.
Golat nga Ousmane Dembele (48′) dhe Vitinha (50′) në fillim të pjesës përmbysën rezultatin për PSG-në. Raphinha shënoi golin e barazimit në minutën e 62-të.
Andreas Christensen gjeti rrjetën me një goditje me kokë në minutën e 77-të për të kompletuar një fitore me përmbysje të katalanasve.
Ndërkaq, Mbappe nuk arriti të ketë një ndikim domethënës në lojë, duke regjistruar zero gjuajtje në portë.
Duke kritikuar Mbappe për paraqitjen e tij të dobët, Beye tha për CANAL+:
“Ai është lojtari që duhet të bëjë diferencën. Ai nuk mund të ketë një ndeshje të tillë kur është lider i sulmit të PSG-së. Mbappe-së i mungonte intensiteti. Ai nuk ishte i mirë dhe duhet të ishte më i mirë, e gjeta të nënshtruar dhe të pakënaqur”.
Parisienët do të përballen me Barcelonan në stadiumin Olimpic Lluis Companys në ndeshjen e kthimit më 16 prill.
