Legjenda e Liverpoolit, Graeme Souness e ka cilësuar yllin egjiptian, Mohamed Salah, si një lojtar egoist.
Egjiptiani, i cili ka qenë vazhdimisht sulmuesi më produktiv i skuadrës në sezonet e fundit, është nën kritika në Anfield.
Salah nuk ka qenë në maksimumin e tij duke bërë që Reds të largohen nga garat për disa trofe javët e fundit.
“I think Salah is the most selfish player I’ve ever witnessed!” 🚫
— Up Front (@UpFrontPod) May 2, 2024
Graeme Souness reveals his thoughts on Mo Salah to @sjopinion10 and @T_Deeney on the debut episode of Three Up Front!
Watch now 💥 pic.twitter.com/dlMKNnPCJF
Ndërsa fliste në podcastin Three Up Front të William Hill, legjenda Souness vendosi të kritikoj Salahun.
“Unë besoj se Mohamed Salah është i fikur dhe largohet nga Liverpooli”, ka thënë fillimisht Souness.
“Ai ka qenë i mrekullueshëm për Liverpoolin, por nëse ai largohet në Superligën e Arabisë Saudite, atëherë ai do të jetë ylli më i madh në atë pjesë të botës”.
“Ai pa dyshim ka një vlerësim jashtëzakonisht të madh për veten e tij dhe ishte i zemëruar me mosfillimin e ndeshjes kundër West Ham javën e kaluar”.
“Salah është lojtari më egoist që kam parë ndonjëherë. Edhe para asaj ndeshjeje, sa herë që Klopp e largon atë, ai kurrë nuk është i lumtur për këtë”, përfundoi legjenda e Reds.
