Superiorja zbres sot në fushë për të luajtur javën e fundit të saj. Të gjitha ndeshjet do të luhen në orën 16:00.
Vendi i katërt është dilema më e madhe, pasi jep mundësinë për të qenë në "Final 4". Aktualisht ky pozicion mbahet nga Skënderbeu.
Ndeshjen e fundit në kampionat, korçarët e luajnë kundër Vllaznisë. Këta të fundit mund të thuhet se kanë në dorë fatin e 4 klubeve.
Vetë Skënderbeu, Tirana, Dinamo dhe Teuta janë duke kërkuar biletën e fundit të "Final 4". Vetëm 1 pikë i ndan skuadrat e tjera nga Skënderbeu.
Në anën tjetër Vllaznisë i bën punë vetëm fitorja, për të shpresuar që Erzeni të ndalë Partizanin. Kështu do të merrte vendin e dytë në renditjen e përgjithshme.
