Vitor Roque nuk do të garojë në “Copa América” këtë verë.
Sulmuesi i Barçës, ashtu si Neymar, i cili vijon rikuperimin nga dëmtimi i rëndë, u la jashtë listës së Brazilit për këtë kompeticion, ku do të jetë shoku i tij i skuadrës, Raphinha.
Trajneri Dorival Júnior e la sulmuesin e mbërritur te Barcelona merkaton e fundit jashtë listës së 23 lojtarëve që do të luajnë në “Copa America” dhe miqësoret përgatitore kundër Meksikës dhe SHBA.
Mungesa e Vitor Roque në listën e “Copa América” është një pengesë e re për sulmuesin brazilian, i cili gjithashtu nuk po gëzon rëndësinë e pritur te Barça, pasi mbërriti në klubin katalanas në merkaton e fundit dimërore nga Athletico Paranaense në këmbim të 31 milionë eurove fikse dhe 30 të tjera bonuse.
Vlen të kujtojmë se agjenti i tij André Cury tha pak ditë më parë në ‘RAC1’ se nuk i kuptonte ato pak mundësi që Vitor Roque kishte pasur te Barça. Fakti që nuk thirret as në “Copa América” është një tjetër goditje e rëndë për moralin e futbollistit.
Përveç Raphinhas, lojtarët e tjerë të La Liga-s që do të jenë në “Copa América” janë: Vinicius, Rodrygo, Endrick, Yan Couto dhe Savinho. Pas rënies në finalen e mëparshme kundër Argjentinës së Leo Messit në vitin 2021 (1-0), Brazili është një nga favoritët më të mëdhenj për ta fituar “Copa America” kësaj vere. “Selecao” është në Grupin D së bashku me Kolumbinë, Paraguajin dhe Kosta Rikën, ku do të debutojë më 25 qershor.
Ja lista e lojtarëve të thirrur nga Brazili:
Portierë: Alisson (Liverpool), Bento (Athletico Paranaense), Ederson (Manchester City).
Mbrojtës: Lucas Beraldo (PSG), Eder Militão (Real Madrid), Gabriel Magalhães (Arsenal), Marquinhos (PSG); Danilo (Juventus), Yan Couto (Girona), Guilherme Arana (Atlético Mineiro), Wendell (Porto).
Mesfushorë: Andreas Pereira (Fulham), Bruno Guimarães (Newcastle), Douglas Luiz (Aston Villa), João Gomes (Wolverhampton), Lucas Paquetá (West Ham).
Sulmues: Endrick (Palmeiras), Evanilson (Porto), Gabriel Martinelli (Arsenal), Raphinha (Barcelona), Rodrygo (Real Madrid), Savinho (Girona), Vinicius Jr. (Real Madrid).
