Elseid Hysaj e nisi ndeshjen nga minuta e parë edhe pse nuk ishte në gjendjen optimale për shkak të një viroze gripale që kishte kaluar në ditët e fundit.
Trajneri Sarri vendosi që ta hidhte në fushë shqiptarin për sfidën e parë të vitit ndaj Sampdorias, ndeshje që u mbyll me shifrat 2:1.
Hysaj nuk pati fat në këtë ndeshje pasi shënoi një autogol duke rrezikuar seriozisht këtë ndeshje që u shpëtua vetëm falë superioritetin numerik për 30 minuta.
Hysaj u vlerësua me notën e dobët 5.5 nga "Gazzeta dello Sport", teksa u evidentua dhe fakti që ishte në dyshim deri në minutat e fundit të ndeshjes.
Nuk duhet harruar se në një moment shpëtoi ekipin nga pësimi i golit të dytë.