Gjeneratat e vjetra flasin disa herë për klubet e futbollit të viteve të 80-ta, madje duke thur elozhe për shpirtin luftarak që kanë pasur futbollistët. Prishtina, Trepça nga Mitrovica, Liria e Prizrenit, Vëllaznimi i Gjakovës, ish Buduçnosti i Pejës, ish Cërvena Zvezda e Gjilanit, Ramiz Sadiku nga Prishtina, ish KXE Kosova nga Kastrioti (tani KEK-u), skuadra që kishin luajtur atëkohë edhe në Ligën e Dytë Federative të shtetit që nuk ekziston më Jugosllavia. Prishtina pesë vjet (1983-88) dhe Trepça një vjet (1977-78) në Ligën e Parë federative. Vëllaznimi ka qenë disa herë anëtar i Ligës së Dytë Federative. Në foto mund t’i shihni se cilët futbollistë kanë qenë në vitin 1982 në petkun e Vëllaznimit.
