Watford dhe Liverpool kanë luajtur sot baras me rezultat 3:3, në kuadër të kampionatit anglez të futbollit.
Stefano Okaka në minutën 8 solli në epërsi vendësit, ndërsa Sadio Mane barazoi shifrat në minutën 29.
Gëzimi i mysafirëve nuk zgjati më shumë se tre minuta, pasi që Abdoulaye Doucoure solli serish vendësit në epërsi prej 2:1.
Liverpool barazoi përmes Roberto Firmino në minutën 55 nga penalltia, ndërsa Mohamed Salah dy minuta më vonë solli për herë të parë në këtë takim në epërsi prej 3:2.
Kur pritej që Liverpool të shënojë fitore, ishte Miguel Britos, i cili në minutën e tretë shtesë të ndeshjes barazoi shifrat për rezultatin përfundimtar 3:3.
